Grüße vom Grantler aus Bayern (4)

 

Er is a Oida,

a ganz a Koida,

er moand, eahm g'hört die Welt,

wei er hod an hauffa Geld.

Da Tod, dea zählt scho seine Stund'n.

Dea schaugt auf seine Kunden.

A 's Geld, des is ahm Tod so wurscht,

A wennsd ois Oida knurrst.

Im oansa Fliaga steigt er ein,

zum nituP muas er freindlich sein!

Dea hod was, was eah ned woas,

des macht'n richtig hoas!

D'rum schreit eah rum,

"jäda andere is bläd und dumm!"

Gweiwad hod er scho oiwei gern,

eah is da Präse vo da Staatslatern.

Eah schbuid hoid gean mit gloane Landl,

wia Kinda hoid am Schbuizeigstandl.

Wenn dann a Schbuizeig fehlt,

wead rumgschrian und gegrölt!

Sei Schbezl im koidn Land,

da selbe, des is bekannt.

Bei dem lernen Minister 's fliang,

aa andere, alle von da Hochhausstiang.

Bommbal und vui Drohnen jede Nacht,

So sichert nutiP seine Macht.

Da Oide, da ganz da Koide, lacht,

wei eah des boid mit Venezuela aa so macht.

Warum san oide blos so stur?

Laufen so oft neba da Spur?

Aus Angst vor Tod und Ewigkeit?

Macht, Geld, Gier! GETRIEBENHEIT!

De Junga, de san ned vui besser,

spuin scho als Kind Erpresser.

Woll'n alles, und ganz schnell!

San im Kopf scho Greise, aa ned hell!

Was kann man denn erwart'n, 

Drohungen, Gewalt und and're Abart'n.

Recht und G'setz mit Füßen tret'n,

aber inbrünstig zum Herrgott bet'n.

Da Mensch, de Abart dea Natur,

de bleibt in ihrem Innern immer stur.

Wenn de Abart nimma lebt,

ob's da Welt dann bessa geht?

Oskar Springer