Grüße vom Grantler: Das Geld, der Markt und die Gier

 

Der Markt, das Geld, die Gier

Ganz schnei Geid macha,

dabei aa no dreggig lacha,

des is heid modern 

unta da funkelnden Finanzlatern'.

Aktien, von jeda StartUp-Krücke,

dazwischen Anleihen als Brücke,

 auf fallende Kurse wett'n

und in da Welt lustig umanandajett'n.

Optionen de muast hom,

weil Derivate sogar Kris'n schlong.

Stegg dei Geid in'd Börse rein,

dann lebst schick und meistens fein.

Wenn d' Kurse dann moi sink'n

und Verluste furchtbar stinken,

dann bleib dabei, du bist dressiert,

andere ham längst scho abkassiert!

Letzte Ausfahrt, glaub es mir,

Fonds, ETFs und Kryptogier.

Da Verlust der schreit vor Schmerz,

im Hintagrund grinst da Kommerz.

Dea hod koa Gesicht, dea hod koa Lem,

eah kon dia gar nix gem!

Da Kommerz, des is a Geist,

dea auf Gefühle scheißt!

Eah wui dei Hirn und deine Seele,

die Gier ihm das befehle.

Er schneidt' mid'm gold'nen Messer 's Hirn heraus

und schenkt's dem Wettspielfreudenhaus.

Lass di ned vom Kommerz verführen,

fang an, dei eings Paket zu schnüren!

Leg zum Geid dei Seele mit Vastand,

dann host für's Lem a sichere Hand.

Heb vui gnua auf, für schlechte Zeit'n!

So konnst guad durch Kris'n gleiten.

Am Ende, Du wirst as seng,

bringt dei Geld an warma Reng!

Drum bleib bei Dia, lass di ned vabiang!

Lass da s'Geld ned aus da Daschn ziang!

Gib dene, de es wirklich braucha,

ned de obgwichsten Haubendaucha.

Besser vui Groschn in da Hosendaschn,

ois an g'leasd'n Porsche ohne Aschn.

So lebst du stressfrei jeden Tag,

Dei Gsundheit des besonders mag.

@Urheberrecht Oskar Springer