Grüße vom Grantler aus Bayern: Wetter

 

Grüße vom Grantler aus Bayern: Wetter

Kruzifix, heid is aber wieder heiß!

I woas des ja aa ned, spinnt das Wetter oda san de Leid alle narrisch worn.

Wie mit Hoiz und Koin g'hoazt worden is und d'Auto no koan KAT g'habt ham war's aa scho hoas. 

Aba d'Sonna hod ned so stechen kenna, wei mia hoid untam Nebel g'lebt ham.

Is ganz schlimm gewesen, dann san mia unta de Kastanienbaam g'sessen und ham de Sonna Sonna sei lassen.

In d'Sonna bist doch bloß ganga wenn's sei hod miassn. Bei da Arbeit oda aufm Bauernhof.

Aba doch ned für an Marathonlauf, a Rennradltour oda Mitorradlfahrn im Ledaanzug.

De hams doch alle nimma!

No bläda sans beim Baden! Erst schmians sie sich mit Sonnenöl ei, dass lang bruzzln kenna, dann springan's in Wassa wia de Bläd'n, bis da Notarzt komma muass.

Ja, die Luft hat sich verändert, d'Leid aa, daher is gar nicht so falsch, von einem generellen Klimawandel in da Luft und im Hirn zu reden.

Der Freund hat bisher ohne ein Wort zu sagen zugehört und antwortet jetzt kurz und bündig:

Reg di ned auf, da Klimawandel is schon lang do, bloß de oana reden davon weil sie ihn spürn und de andan spürn ihn weils davon red'n.

Prost, schwoammas owe.

Recht host, warum soll man sich aufregen.